مفيش حب

مفيش حب

حبيبتى خانتنى.....سابتنى ...مشيت وباعتنى
كانت زمان عندى كل حاجة..دلوقتى مابقيتش تسوا حاجة
كانت امى واختى وحبيبتى وصاحبتى وكل ناسى
دلوقتى بقت غريبة عنى ومعرفش عنها حاجة
بعد ما عرفتنى ..كسبتنى ...أسرتنى ...خليتنى احبها
دلوقتى خسـرتنى ..وباعتنى ..بعدت بعيد
عايزها تبعد اكتر واكتر .تختفى عن عينى
دموع قلبى مش بالساهل
احلامنا ماتت واندفنت
ولادنا ..اساميهم ..احلامهم ...خدت فيهم عزاهم
حرمتنى من ولادى قبل ما اشوفهم واحس بيهم وابقى أب بجد
قتلت فيا كل حاجة كانت حلوة
ندمان على كل لحظة حلوة ..كل وعد صادق صدقتة منها
ورثت عنها قساوتها وحب تملكها
حبها كان سم كبير ماشى فى حياتى ..بيقتلنى مش بيحيينى
كلامها المعسول كان بيخدعنى عشان اموت أسرع
ابتديت اتاخد من صحابى وحبايبى وحياتى
وفجأة صحيت على ألم ...ألم كبير مايحسوش غير كل مخدوع
شفت مستقبلى بيتهد ادامى فى ثانية ..بقرار منها
بعد ما أخدت عليها ...وببقيت بين ايديها ..وسهرنا واتكلمنا وفرحنا وكل ليلة نتعلق ببعض اكتر من التانية
بعد ما كنت داخل اكتب قصيدة يوم فرحنا
يا خسارة كل كلمة بحبك قلتهالك ..يا خسارة كلمة وحشتينى
يا خسارة اى احساس عيشتة معاكى وهو مش ملكك
هاحب تانى ..هاعيش تانى ..هافرح تانى...هاتجوز
واحلامى معاكى ماتت وانتى اللى دفنيتها ..مش هاعملها مع غيرك
غيرك اللى بجد هتبقى اقرب ناسى
كسرتى فيا حاجة ....كانت اجمل حاجة
بحور عشق و هيام وغرام واخلاص
بقت صحراء مليانة غربة و بعد و جفاف
لو شفتك فى يوم ...مش هاعرفك
لأنى خلاص نسيتك ودوست عليكى
انتى فى نظرى ميتة ...مالكيش وجود
ويارب تلاقى بعدى اللى يحبك ويرضيكى
يا قلبى انت ماكنتش يوم ملكها ...ولا هتكون ابدا ليها
يا روحى رجعتى ليا وسيبتيها
ياعمرى الجاى ...هتلاقى وليفك اللى يعيش معاك ويقدرك
ارجعولى يا احلى ما فيا ...مالناش غير بعض

--------------------------------------------------------------------------
No Comment
احساس صادق ...فى وقت صادق ...لأنسان مش صادق
باركولى ياجماعة بقيت حــر نفسى
وبحبك ياحياة